20. - 26. OKT
Árleg fræðsluvika þar sem lögð er áhersla á vitundarvakningu um mikilvægi upplýsinga- og miðlalæsis ásamt því að bjóða upp á nýtt fræðsluefni með mismunandi þema milli ára. Tengslanet um upplýsinga- og miðlalæsi (TUMI) stendur að vikunni.
Við kynnum okkur leiðir til þess að nálgast samtal um notkun samfélagsmiðla. Hversu mikið á eftirlit foreldra að vera og hvert er hægt að leita þegar að eitthvað kemur uppá?
Samkvæmt skilmálum þurfa einstaklingar að hafa náð 13 ára aldri til þess að stofna þar sinn aðgang. Á Íslandi eru um 60% barna á aldrinum 9-12 ára með TikTok og Snapchat.
Þriðjungi nemenda á unglingastig finnst erfitt að vita hvaða fréttum þau geti treyst á samfélagsmiðlum. Við ræðum við Karitas M. Bjarkadóttur ritstjóra Krakkafrétta á RÚV um fréttir og falsfréttir.
Hvað get ég gert þegar að einhver fer yfir mín mörk á netinu? Hér kynnum við okkur reglur um sendingar og deilingar nektarmynda og hvert er hægt að leita þegar að brotið er á okkur á netinu.
Á bilinu tvisvar til þrisvar sinnum fleiri strákar en stelpur í grunnskóla hafa horft á klám á netinu. Hér kynnum við okkur skaðleg áhrif þess fyrir börn að horfa á klámefni áður en þau hafa sjálf náð aldri og þroska til þess að hafa myndað sína eigin reynslu af kynlífi.
Hver er upplifun ungmenna af eigin notkun á samfélagsmiðlum og hvaða ráð myndu þau sjálf gefa öðrum sem yngri eru og vilja ólm byrja að nota samfélagsmiðla? Hér er rætt við ungmenni úr Ungmennaráðum Samfés og Samtakanna ´78 um samskipti á netinu og þeim áhrifum sem það getur haft á líðan.
Árlegt útvarpsþing Ríkisútvarpsins verður haldið 23. október næstkomandi undir yfirskriftinni „Leiðin til okkar“ 9:00 amÚtvarpshúsið, Efstaleiti 1 Ríkisútvarpið heldur árlegt útvarpsþing, fimmtudaginn 23. október frá kl. 09.00-12.00 og fer fram í Útvarpshúsi, Efstaleiti 1. Yfirskriftin er Leiðin til okkar, þar sem rætt...
Börn og netmiðlar
Fjölmiðlanefnd fékk Menntavísindastofnun Háskóla Íslands til að framkvæma víðtæka spurningakönnun meðal grunn- og framhaldsskólanema á aldrinum 9-18 ára um allt land á vormánuðum árið 2021.
Netið, samfélagsmiðlar og börn
Samskipti fara æ oftar fram á netinu. Mikilvægt er að vita hvaða hegðun er í lagi, hvaða hegðun er óviðeigandi og hvað eigi að gera þegar stafrænt ofbeldi á sér stað. Lærðu hvernig þú getur bætt öryggi þitt og þinna á netinu.
112.is - Netöryggi
Samskipti fara æ oftar fram á netinu. Mikilvægt er að vita hvaða hegðun er í lagi, hvaða hegðun er óviðeigandi og hvað eigi að gera þegar stafrænt ofbeldi á sér stað. Lærðu hvernig þú getur bætt öryggi þitt og þinna á netinu.
Skjárinn og börnin - Heilsuvera
Skjátímaviðmið fyrir börn og ungmenni. Börn í dag alast upp í umhverfi sem er hlaðið tækjum og með stöðugum tækninýjungum. Með skynsamri umgengni við þessi tæki geta þau verið hluti af góðu uppeldi. Fyrstu kynni barna af snjalltækjum ættu alltaf að fara fram undir handleiðslu foreldra, forsjáraðila og/eða annarra fullorðinna.
Námsefni í stafrænni borgaravitund - Kópavogur
Allir nemendur þurfa að búa yfir færni til að geta fótað sig í stafrænum heimi. Á þessum vef má finna samantekt á leiðbeinandi efni á íslensku sem hægt er að styðjast við í kennslu nemenda í stafrænni borgaravitund (e. digital citizenship). Efnið er sett fram eftir árgöngum.
Vika 6
Vika6 er sjötta vika hvers árs. Í þeirri viku er starfsfólk grunnskóla og félagsmiðstöðva borgarinnar hvatt til að setja kynheilbrigði í forgrunn og bjóða upp á fjölbreytta kynfræðslu. Leikskólum, frístundaheimilum og öðrum sveitarfélögum er hjartanlega velkomið að taka þátt í Viku6 eftir því sem á við og hentar hverjum og einum.
Jafnréttisskóli Reykjavíkur stýrir Viku6 en unglingar borgarinnar kjósa þema á hverju ári. Unnið er útfrá hugmyndum um alhliða kynfræðslu
Orðin okkar - Jafnréttisstofa
Orðin okkar er herferð á vegum Jafnréttisstofu til að hvetja fólk til umhugsunar um áhrifamátt orða sinna. Orð geta sært, sundrað og brotið niður en þau geta einnig nært, huggað og sameinað.
Herferðin er liður í að stuðla að auknu jafnrétti í íslensku samfélagi og berjast gegn hatursorðræðu og rótum hennar, s.s. fordómum, neikvæðum staðalímyndum og smánun minnihlutahópa.
Stopp ofbeldi
Stopp ofbeldi á vegum Menntamálastofnunar.
Fræðsluefni um kynferðislegt og kynbundið ofbeldi og áreitni.
Sjúkást
SJÚKÁST er forvarnarátak á vegum Stígamóta um ofbeldi í nánum samböndum ungmenna. Markmið átaksins er að ungmenni þekki lykilhugtök á borð við mörk og samþykki og geti greint muninn á heilbrigðum, óheilbrigðum og ofbeldisfullum samböndum.
Stoppa - hugsa - athuga
Svona þekkir þú rangfærslur og falsfréttir – „Falsfréttir“ er hugtak sem er oft notað um efni sem hefur á sér yfirbragð fréttar en er að hluta eða í heild uppspuni. Stundum er líka mikilvægum upplýsingum sleppt til að sýna einhliða mynd af viðfangsefninu.
Oft er röngum og misvísandi upplýsingum dreift af ásetningi. Tilgangurinn getur verið að græða peninga, svindla á þér, hafa áhrif á pólitískar skoðanir þínar eða skapa ósætti í samfélaginu.
Ráð fyrir foreldra barna sem beita eða verða fyrir ofbeldi.
Foreldrar og aðrir í lífi barna og ungmenna geta minnkað líkur á að þau beiti eða verði fyrir ofbeldi. Mikilvægt er að grípa strax þau börn sem sýna hegðunarvanda og leiðbeina og fræða um rétta hegðun. Fræðsla skilar meiru en refsingar. Hegðunarvandi, vanlíðan og námserfiðleikar eru dæmi um áhættuþætti.
Að endurstilla algrímin á samfélagsmiðlum
Dreifing og birting efnis á samfélagsmiðlum er meðal annars háð algrímum, reiknireglum sem byggja á notkun annarra sem tilheyra sambærilegum samfélagshópnum og þú og þinni eigin notkun á samfélagsmiðlum. Algrímin lúta lögmálum sem notendur stýra ekki nema að takmörkuðu leyti, en hægt er að hafa veruleg áhrif á það efni sem birtist á samfélagsmiðlastraumum með því að endurstilla samfélagsmiðlanotkunina.
Farsælir foreldrar
Nýtt veftímarit Heimilis og skóla – landssamtaka foreldra. Veftímaritið fór í loftið í lok árs 2022 í tilefni 30 ára afmælis foreldrasamtakanna og mun nú vera lifandi á vefnum.
